Famous Philosophy-Quotes (4) Descartes

That’s a really famous one. Den Descartes seet, an sengen Meditatiounen an ech mengen och an sengem Discours de la méthode:

________________________________________________________________________

Cogito ergo sum.

Ech denken, also sinn ech.

________________________________________________________________________

Dest ass wuel daat berühmtest Philo-Zitat iwwerhaapt. Mais waat heescht daat dann iwwerhaapt, deen Saatz. Ugangsiwwerleeung vum Descartes ass: Mjo, daat waat ech gesin, kann mech täuschen (Fata Morgana, Draam e.t.c.) Meng Sinneswahrnehmung ass net fiable. Wisou soll ech hinnen dann Glaawen schenken? Soll ech gleewen, datt daat waat ech gesin wouer ass? Daat et eppes gett, waat deenen Wahrnehmungen entsprecht? Leiwer zweifelen ech dodrun. An dun goung et lass. Dun huet en probeiert un alles, awer wierklech ALLES ze zweiflen (den berühmten doute cartésien). Schlussendlech huet en dun gemierkt, daat en un eppes net zweiflen kann: Nämlech daat en denkt. Well, wann en zweifelt, dann denkt en jo. Des Aktiviteit muss jo dann schon ‚existeieren‘ souzesoen. An well Denken nie alleng kennt, well et emmer een Subjekt ass, deen denkt, seet hien, daat hien och net drun zweifelen kann, daat hien existeiert (daat denkend Subjekt) also: Ech denken, also sinn ech. (Dest ass natierlech voll vereinfacht) Mais ech fannen et flott, dei berühmten Zitater duerch ze huelen, an probeieren se kuez ze deiten. D’ass sou eng Art Übung, sech op daat Wesentlescht ze konzentreieren.

Advertisements
Published in: on Oktober 9, 2009 at 3:40 pm  Comments (6)  

Famous Philosophy-Quotes (3): Aristoteles

Den Aristote soot an der Metaphysik als allereischten Saatz:

_________________________________________________________________________

Alle Menschen streben von Natur aus nach Wissen.

_________________________________________________________________________

Ech gleewen him daat zwuar net. En plus seet hien an der Nikomachescher Ethik daat d’Menschen all no Gleck giffen streben. Jo, daat gleewen ech eischter. Mais bon, vläit seet hien jo vill ze wessen wier glecklech ze sin. (Tatsächlech seet en sou eppes ähnleches, mais dorob gin ech zwuar lo net an…eng aaner keier vläit)

Published in: on Oktober 8, 2009 at 2:12 pm  Comments (2)  

Famous Philosophy-Quotes (2) Heraklit

Den Heraklit vun Ephesos, griecheschen Philosoph firum Sokrates (‚Vorsokratiker‘), och ‚der Dunkle‘ genannt soot:

_____________________________________________________________________

Der Krieg ist aller Dinge Vater.

_____________________________________________________________________

Wéi liest dier daat?

Published in: on Oktober 7, 2009 at 4:23 pm  Comments (6)  

Famous Philosophy-Quotes (1) Berkeley

Ech hu mer geduecht, ech kinnt mol sou eng Rubrik maan, wou ech berühmt philosophesch Sätz präsenteieren. Heinsdo waert ech se kommenteieren, heinsdo einfach nemmen ziteieren. Einfach sou zur Info.

Hei also daat eischt Zitat vum ireschen Philosoph George Berkeley, een vun deenen dräi berühmten briteschen Empiristen (Hume, Locke, Berkeley):

_______________________________________________________________________

Esse est percipi (vel percipere)

Sein ist Wahrgenommen werden oder Wahrnehmen
_______________________________________________________________________

Domadder well en soen, daat näischt ass, waat net ‚wahrgenommen‘ gett. D.h. wann keen en bestemmtenen Geigenstand  kuckt (keen taascht, keen schmaacht e.t.c.), an dee Geigenstand nie gekuckt gouf, dann existeiert en net. Et ass eng meiglech Äntwert op di berühmt Fro: Wann de Baam am Besch fällt, an d’ass keen deen daat gesäit, oder heiert…..fällt en dann wierklech? Den Berkeley seet: Nee. Mais bon, vue daat och Deieren ‚wahrnehmen‘ kennen, ass et jo dann kloer, och nom Berkeley, daat de Bam tatsächlech fällt. Wei ass et dann entzwousch, wou keen Liewewiesen ass, deen e bestemmtenen Geigenstand wahrnehmen kann? Äntwert vum Berkeley: Di göttlech Wahrnehmung. Gott gesäit alles. Majo dann.

Wei ass et dann mam ‚percipere‘? Majo, wann ech alleng entzwousch sin, an keen kann mech wahrnehmen, dann well daat net heeschen, daat ech net existeieren. Well ech, als ‚wahrnehmendes Subjekt‘ existeieren, well ech ‚wahrnehmen‘ kann. Domadder ass jo mol d’Existenz vun ‚wahrnehmend Entitäten‘ gesechert (och ouni d’Gottargument)

Bon, genuch dozou. Kann een mier soen, wei een ‚wahrnehmen‘ op letzebuergesch iwwersetzt?

Published in: on Oktober 7, 2009 at 4:11 pm  Schreibe einen Kommentar